更多
2019-08-13
695 瀏覽
喺中環附近翻工, 如果想食燒味飯, 通常都會光顧連鎖快餐店。咁啱今日經過中環中心, 見呢間餐廳嘅掛𥦬燒臘幾靚, 就買個外賣試下。食物主要分燒味飯麵同雲呑湯/撈麵, 價錢約$50-80, 亦有分碗同碟兩種size, 適合唔同食量嘅客人金華叉燒皇飯: 叉燒可選擇瘦、半肥瘦或者肥叉。我叫嘅瘦叉飯雖然賣相麻麻, 但食落肉質仲好腍, 入口鬆化無渣, 實屬高質。外層嘅汁熱食時仲有少少拉絲, 撈飯一流。同事叫嘅燒鴨燒肉飯就啖啖肉, 燒肉皮夠脆。總括嚟講, 金華燒味性價比好高!
張貼
