645
26
20
等級4
114
0
2017-11-11 264 瀏覽
呢間韓燒裝修走型格工業風,有粗獷 o既牆身、嵌o左鐵線o既磨砂玻璃、黑色o既鐵框同鐵絲網,仲有鐵桶做凳(有箍筍o既,d 凳可以打開揼d 袋入去),令到d 抽氣管巧妙地完全融合o左o係個整體設計style 入面。鋪頭細細,無乜油煙,感覺好乾淨。一邊有兩部大電視,其中一部成晚環迴播住K-pop mv,睇住d 囡囡勁歌熱舞,食慾都大增啦!什菜沙律最早o黎,超大o既一碗(見圖中同筷子o既比例),最初我expect 就是平時出去食飯跟餐一個飯碗仔咁dur dur……不過今日會食咁多肉,都要啪番d 菜平衡下o既。等肉熟,食住d 小食先。韓式炸雞少不免一定要點啦,仲點o左炸餃子同魷魚鬚。呢d 炸物真係好高水準,強烈推介,最初我以為係咪自己未有其他o野食覺得肚餓咋﹖但之後特登點多一round,真係好好食,一d 麵粉/油膉味都無,充滿鹹香,值得一試! 燒肉食得喇,雪花牛仔肉油脂分布均勻,厚切豬腩肉好juicy,燒完都唔會成舊乾爭爭鞋澀澀咁。豬腸豬耳呢d 比較冷門o既o野都有得食,特別鍾意佢d 豬腸,鹵水汁醃得好入味好正呀!海鮮係是次晚餐o既重點之一,佢d 海鮮只有晚市先有得食o架。大蝦大大隻啖啖肉,扇貝
更多
呢間韓燒裝修走型格工業風,有粗獷 o既牆身、嵌o左鐵線o既磨砂玻璃、黑色o既鐵框同鐵絲網,仲有鐵桶做凳(有箍筍o既,d 凳可以打開揼d 袋入去),令到d 抽氣管巧妙地完全融合o左o係個整體設計style 入面。鋪頭細細,無乜油煙,感覺好乾淨。一邊有兩部大電視,其中一部成晚環迴播住K-pop mv,睇住d 囡囡勁歌熱舞,食慾都大增啦!
37 瀏覽
0 讚好
0 留言

什菜沙律最早o黎,超大o既一碗(見圖中同筷子o既比例),最初我expect 就是平時出去食飯跟餐一個飯碗仔咁dur dur……不過今日會食咁多肉,都要啪番d 菜平衡下o既。
什菜沙律
25 瀏覽
0 讚好
0 留言

等肉熟,食住d 小食先。韓式炸雞少不免一定要點啦,仲點o左炸餃子同魷魚鬚。呢d 炸物真係好高水準,強烈推介,最初我以為係咪自己未有其他o野食覺得肚餓咋﹖但之後特登點多一round,真係好好食,一d 麵粉/油膉味都無,充滿鹹香,值得一試! 
韓式炸餃子、炸魷魚鬚、韓式炸雞
29 瀏覽
0 讚好
0 留言

燒肉食得喇,雪花牛仔肉油脂分布均勻,厚切豬腩肉好juicy,燒完都唔會成舊乾爭爭鞋澀澀咁。豬腸豬耳呢d 比較冷門o既o野都有得食,特別鍾意佢d 豬腸,鹵水汁醃得好入味好正呀!
烤肉
20 瀏覽
0 讚好
0 留言

海鮮係是次晚餐o既重點之一,佢d 海鮮只有晚市先有得食o架。大蝦大大隻啖啖肉,扇貝好香滑,魷魚圈煙煙韌韌。龍脷柳都唔錯o既,大家燒時要落番多d 油,如果唔係會好似我咁黐底之後想起番佢出o黎結果舊魚散開晒……扇貝同生蠔都係任點任食!不過燒o既時間亦相對會耐一點。
海鮮
27 瀏覽
0 讚好
0 留言
生蠔
25 瀏覽
0 讚好
0 留言

飲品雪櫃有lotte 忌廉梳打、芒果同蘋果汁等等,亦有其他soft drinks 同茶;如果想飲酒類飲品則要另外order (另外收費),提供韓式汽酒、梅酒、啤酒、燒酒等等。
飲品櫃
25 瀏覽
0 讚好
0 留言

最後每位客人會送一款甜品,芒果、蜜瓜、椰子味韓國雪條或者時果西米露四選一,點o左蜜瓜雪條。雪芭o既質感,奶香滑膩,蜜瓜清甜。
蜜瓜雪條
24 瀏覽
0 讚好
0 留言

鋪頭職員服務態度幾唔錯,下次可以再幫襯。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-11-01
用餐途徑
堂食
人均消費
$260 (晚餐)
推介美食
  • 所有炸物
  • 豬腸