蘇媽.蘇媽馬來西亞茶餐室 (已結業)

以前都幫襯過蘇媽總店同旺角分站，尖沙咀分店係第一次。首先把方闊落過總店好多，坐得幾舒服。不過兩部傅菜機械人啲聲都幾嘈！QR code 落單，唔使驚搵唔到人幫你落單。亞參喇沙幾好食，味道幾正宗，同我喺馬來西亞食嘅差唔多。不過唔係人人都食到嗰種魚腥味。我就覺得好味😄老鼠粉即係我哋叫嘅銀針粉，好惹味。煲仔上暖笠笠，呢啲咁凍嘅天氣食覺得更加好味。另外仲叫咗兩個小食同拉茶，都係味道唔錯。不過如果杯拉茶可以再熱啲就好。總括嚟講個用餐體驗都係唔錯嘅。