影片
更多
2006-09-10
3 瀏覽
2005年11月22日某日係某本飲食雜誌見到有呢度既六折coupon,同朋友講開,佢地都好想試,就約左佢地,同埋我叫埋我個大人出黎一齊食,本來有六個既,不過有位唔舒服,所以得番五個.拼盤對對(蜜糖雞翼,炸西蘭花,芝士香脆,炸芝士條,焗薯皮)~~個人最愛就係炸芝士條,食落還有少少半溶芝士掛著,正呀!芝士係我最愛之一,另外烔薯皮都唔錯,其他的只屬一般吧.露比四合一拼盤(燒排骨,炸蝦,炸雞柳,香辣牛柳)~~燒排骨勁得,好淋好入味,無牙都食到,個汁正到爆,酸酸甜甜既汁正好中和排骨既油膩,其餘三款亦是一般,另外吃個拼盤仲有洋蔥圈,薯條同椰菜絲沙律,洋蔥圈係三種之中最好味既.超級漢堡真係好超級,好大個,仲要搞笑到用刀插住個包,由于要影相既關係,把刀承受唔住個包既重量,慢慢咁斜落黎,就好似比薩斜塔咁,而食味就認真一般,話就話塊漢堡要求五成熟,但就咩肉汁都無,係成晚最失敗既一道菜.蜆肉意大利幼麵~~蜆肉不多,麵不是我們食開的意粉,而且煮得淋了點,只有酸酸甜甜的蕃茄醬最好味.甜品方面要了濃情朱古力,勁大個酒杯盛載著那蛋糕,古古力味非常濃郁,而且蛋糕內亦藏有古古力粒,令古古力味更濃,正到爆燈,雖然食食下會
某日係某本飲食雜誌見到有呢度既六折coupon,同朋友講開,佢地都好想試,就約左佢地,同埋我叫埋我個大人出黎一齊食,本來有六個既,不過有位唔舒服,所以得番五個.
拼盤對對(蜜糖雞翼,炸西蘭花,芝士香脆,炸芝士條,焗薯皮)~~個人最愛就係炸芝士條,食落還有少少半溶芝士掛著,正呀!芝士係我最愛之一,另外烔薯皮都唔錯,其他的只屬一般吧.
露比四合一拼盤(燒排骨,炸蝦,炸雞柳,香辣牛柳)~~燒排骨勁得,好淋好入味,無牙都食到,個汁正到爆,酸酸甜甜既汁正好中和排骨既油膩,其餘三款亦是一般,另外吃個拼盤仲有洋蔥圈,薯條同椰菜絲沙律,洋蔥圈係三種之中最好味既.
超級漢堡真係好超級,好大個,仲要搞笑到用刀插住個包,由于要影相既關係,把刀承受唔住個包既重量,慢慢咁斜落黎,就好似比薩斜塔咁,而食味就認真一般,話就話塊漢堡要求五成熟,但就咩肉汁都無,係成晚最失敗既一道菜.
蜆肉意大利幼麵~~蜆肉不多,麵不是我們食開的意粉,而且煮得淋了點,只有酸酸甜甜的蕃茄醬最好味.
甜品方面要了濃情朱古力,勁大個酒杯盛載著那蛋糕,古古力味非常濃郁,而且蛋糕內亦藏有古古力粒,令古古力味更濃,正到爆燈,雖然食食下會覺得幾溜,但本人仍然極力推介,另外亦叫了tiramisu,這個的水準也不俗,吃一口蛋糕再加伴碟的雪糕球,亦是這晚的一大享受.
張貼
