更多
2020-01-03
10894 瀏覽
快船廊係我同男朋友每年慶祝聖誕除夕必食嘅自助餐！本來我哋想試吓另一間同樣出名嘅酒店，不過諗諗吓我哋都係鍾情文華東方，特別佢嘅招牌芝士餅❤️❤️❤️～兜兜轉轉，我哋最後決定食返呢度。我哋早三星期預約，好彩仲有得book，去到當晚爆左場～今次我哋同樣食dinner buffet，慶祝Boxing Day🎄$888/位連加一，匯豐信用卡有八折優惠，計返差唔多$800一位，可以由6:30食到夜晚10點，時間上來講算長，岩哂慢慢嘆🥳呢個價錢仲包全日任飲果汁（可選蘋果汁、橙汁、西柚汁同西瓜汁等）同埋餐茶，所以計落唔算貴！首先要讚嘅就係呢度嘅環境同服務，周圍擺放左好多胡桃夾子嘅聖誕裝飾，好有節日氣氛！而服務更加係一流，收碟收得快，員工禮貌有禮，用餐體驗非常愉快先講下海鮮吧，有三款唔同產地嘅生蠔🦪、半邊龍蝦🦞、麵包蟹🦀鮑魚同埋蟹腳等等，款式算多～生蠔黎講，我最鍾意就係irish rock，肉質爽口，海水味較重😍平時餐廳食開$50/隻，今次梗係唔執輸要食多幾隻啦！而蟹腳都厚肉多汁，鮮味十足，個人最鍾意就係配紅酒醋，十分開胃！不過唯一當晚比較失望嘅係，龍蝦蟹鉗就有啲失色，味道略鹹，食左一件就無食😅呢度牛扒🐄同羊
今次我哋同樣食dinner buffet，慶祝Boxing Day🎄$888/位連加一，匯豐信用卡有八折優惠，計返差唔多$800一位，可以由6:30食到夜晚10點，時間上來講算長，岩哂慢慢嘆🥳呢個價錢仲包全日任飲果汁（可選蘋果汁、橙汁、西柚汁同西瓜汁等）同埋餐茶，所以計落唔算貴！
首先要讚嘅就係呢度嘅環境同服務，周圍擺放左好多胡桃夾子嘅聖誕裝飾，好有節日氣氛！而服務更加係一流，收碟收得快，員工禮貌有禮，用餐體驗非常愉快
刺身及壽司
274 瀏覽
0 讚好
0 留言
海鮮吧
290 瀏覽
0 讚好
0 留言
生蠔
268 瀏覽
0 讚好
0 留言
凍海鮮
207 瀏覽
0 讚好
0 留言
生蠔
214 瀏覽
0 讚好
0 留言
先講下海鮮吧，有三款唔同產地嘅生蠔🦪、半邊龍蝦🦞、麵包蟹🦀鮑魚同埋蟹腳等等，款式算多～
生蠔黎講，我最鍾意就係irish rock，肉質爽口，海水味較重😍平時餐廳食開$50/隻，今次梗係唔執輸要食多幾隻啦！
而蟹腳都厚肉多汁，鮮味十足，個人最鍾意就係配紅酒醋，十分開胃！
不過唯一當晚比較失望嘅係，龍蝦蟹鉗就有啲失色，味道略鹹，食左一件就無食😅
牛油煎帶子
212 瀏覽
0 讚好
0 留言
煎牛扒及羊架
183 瀏覽
0 讚好
0 留言
呢度牛扒🐄同羊架🐏都好出名，相比其他酒店黎講，兩者水準均極高👍🏻圖中可見牛扒中間呈粉嫩色，可見生熟程度剛好！而羊架亦厚身，肉質非常嫩滑，羶味不太重，羊迷一定要食！！
另外仲食咗好多牛油煎帶子，因為廚師即煎，且煎得啱啱好，但可能成本問題，帶子比較薄身，口感就差少少！
甜品區
310 瀏覽
0 讚好
0 留言
甜品區
178 瀏覽
0 讚好
0 留言
自家製雪糕
180 瀏覽
0 讚好
0 留言
文華東方芝士餅及朱古力
151 瀏覽
0 讚好
0 留言
抹茶雪糕
123 瀏覽
0 讚好
0 留言
終於黎到夜晚嘅重頭戲—甜品區！其實為咗食多啲甜品，我就主攻凍海鮮同埋甜品，熱莗就比較少食
等咗咁耐，當然要試呢度招牌文華東方芝士餅🧀上年第一次食完一直念念不忘😋😋😋其他地方完全搵唔到！上層同下層均用左不同芝士，口感極幼滑，而且檸檬酸度恰到好處，食完唔會太膩！😛😛😛
呢度雪糕全部都係自家製，口味包括草莓、綠茶、朱古力、香蕉同埋雲呢拿～當晚我就試咗綠茶、朱古力同埋香蕉～綠茶味幾香濃，十分推薦！朱古力濃度有少少苦，我個人就比較推薦朱古力同香蕉雪糕一齊食，香蕉雪糕味濃郁可以中和朱古力嘅苦澀，兩者絕對係絕配！
張貼
