38
9
1
等級4
今次介紹既呢間💛cafe位於西環堅尼地城,有趣既係佢地既店名經常會令人誤以為係專為單身人士而設,實情係呢間係一間以單品咖啡為主既cafe☕️,佢地每季會精選一個產區既咖啡豆作重點推廣💁🏻‍♀️,一款咖啡豆有兩種烘焙程度同6種煮製方式可以選擇🤗 而到左夜晚6點(Tue–Sat) 佢地仲會供應埋單一麥芽蘇格蘭威士忌🥃,讓客人先醒而後醉😆.除左係有酒飲既單品咖啡店之外,呢間cafe更加係元朗錦田Cohee Studio💛既姐妹店,後者雖然位置偏遠但極受追捧,平日下午都要等成一個鐘先入到座🪑,所以舊年年底得知佢地係港島開左呢間cafe☕️已經想一試,不過就拖到今年二月先去,而呢篇食評更加過分地拖到而家至出…..🙈不過有一點想講既係堅尼地城呢度供應既食物同元朗店係有d唔同,同時因為地段關係,價錢上亦稍為比元朗店貴🤏🏻****************************** ✨Eggado Cheese & Onion Bagel🥯 ($88)麵包類菜式一共有5款,客人可以選擇配sourdough/cheese & onion bagel,另外會有沙律菜伴碟🥗相信黎呢度既客人9成都會揀bagel🥯,
更多
2 瀏覽
0 讚好
0 留言
今次介紹既呢間💛cafe位於西環堅尼地城,有趣既係佢地既店名經常會令人誤以為係專為單身人士而設,實情係呢間係一間以單品咖啡為主既cafe☕️,佢地每季會精選一個產區既咖啡豆作重點推廣💁🏻‍♀️,一款咖啡豆有兩種烘焙程度同6種煮製方式可以選擇🤗 而到左夜晚6點(Tue–Sat) 佢地仲會供應埋單一麥芽蘇格蘭威士忌🥃,讓客人先醒而後醉😆
3 瀏覽
0 讚好
0 留言
1 瀏覽
0 讚好
0 留言
0 瀏覽
0 讚好
0 留言

.
除左係有酒飲既單品咖啡店之外,呢間cafe更加係元朗錦田Cohee Studio💛既姐妹店,後者雖然位置偏遠但極受追捧,平日下午都要等成一個鐘先入到座🪑,所以舊年年底得知佢地係港島開左呢間cafe☕️已經想一試,不過就拖到今年二月先去,而呢篇食評更加過分地拖到而家至出…..🙈
不過有一點想講既係堅尼地城呢度供應既食物同元朗店係有d唔同,同時因為地段關係,價錢上亦稍為比元朗店貴🤏🏻
******************************
✨Eggado Cheese & Onion Bagel🥯 ($88)
麵包類菜式一共有5款,客人可以選擇配sourdough/cheese & onion bagel,另外會有沙律菜伴碟🥗
相信黎呢度既客人9成都會揀bagel🥯,除左因為酸種麵包🥖既味道未必人人都岩之外,某程度上bagel既賣相比起酸種麵包更加吸睛👀,更方便影靚相📸打卡🤣
當日我地就點左呢客炒蛋牛油果三文魚籽cheese & onion bagel,牛油果🥑新鮮又鋪得夠靚,炒蛋🥚夠滑不過就無乜味道😕
2 瀏覽
0 讚好
0 留言

至於bagel🥯雖然芝士🧀同洋蔥🧄味並重,但麵包口感較重而唔係個種以煙韌/嚼勁為主既手工bagel;整體黎講賣相係唔錯,可惜味道同口感就不能抱太大期望🥺
1 瀏覽
0 讚好
0 留言

-
✨Homemade Tiramisu🍰 ($68)
據說傳統意式🇮🇹做法係會有兩層mascarpone cheese再夾雜兩層手指餅乾,而呢度既tiramisu賣相望落合格✔️,兩層mascarpone cheese質感幼滑,屬於較為挺身個種而非半流質狀
1 瀏覽
0 讚好
0 留言

不過未知cafe係咪想著重咖啡☕️既味道,手指餅乾既酒味🥃並唔明顯,濕潤感💧亦唔算好重,會有種越食越甜膩既感覺😓
0 瀏覽
0 讚好
0 留言

-
✨Honey Mascarpone Cream Waffle🧇 ($68)
呢件窩夫上桌既時候仲係熱辣辣♨️,外層帶有珍珠糖脆粒食落甜脆,裡面鬆軟得黎又不失煙韌口感😋
1 瀏覽
0 讚好
0 留言

窩夫上面既mascarpone cream質感順滑,雖然睇落好似好膩,但因為有士多啤梨🍓同藍莓🫐呢兩種帶有酸度既水果可以中和一下,食落就無呢個問題🤔
2 瀏覽
0 讚好
0 留言

旁邊亦灑上好有咬口既脆糖粒同蜜糖🍯,縱使呢件窩夫有幾款唔同既糖加埋一齊,個人認為佢既甜度亦無上一款tiramisu咁高,稱得上今餐最有驚喜亦係最滿意既item💛,相信日後再有二訪都係因為呢件窩夫🙈
-
✨Caffe Latte☕️ ($58)
二月光顧既時候cafe正供應埃塞俄比亞Guji咖啡豆,根據menu既cupping notes,呢款咖啡豆既風味帶有茉莉花花香🌼、菠蘿🍍、柑橘🍊同紅加侖既果香
店員送上一set兩杯咖啡既時候有提醒過可以分別品嚐latte同espresso去感受一下咖啡豆,然係寫係托盤附上既卡片上✍️,同時亦可以scan返qr code了解返關於呢款咖啡豆既詳情🤳
2 瀏覽
0 讚好
0 留言

本人平日都會飲下齋啡,當日先飲完一啖latte再飲espresso,只覺得後者味道既濃亦酸,無諗過自己居然會唔太受得住😓 不過之後再飲返latte就覺得味道同一開始所飲到既略有不同,果味變得明顯左🌟
個人認為咖啡店既理念係幾獨特既,不過對於無乜咖啡知識/平時唔飲開espresso既客人要杯測師上身咁去品嘗一杯espresso,某程度上係有點兒對牛彈琴,同時亦都浪費左一杯咖啡,糟蹋左農民同炒豆師既心血….🥲
另一點就係因為多左杯espresso☕️,係呢度飲一杯white要58蚊然而只有6oz左右都幾貴下,建議cafe可以考慮有單杯同體驗組兩種選擇,而唔係要客人捆綁式消費既模式🥴
-
✨Green Tea Latte🍵 (H $48 / C $58)
呢度既抹茶鮮奶口感順滑,不過奶味🥛比較重,抹茶味道唔算濃郁亦無乜回甘味,唔難飲但就唔特別😐
1 瀏覽
0 讚好
0 留言
******************************
👧🏻人均消費:$165
😋味道指數:3.5/5
💰抵食指數:3/5
🪑環境指數:3.7/5
💁🏻‍♀️服務指數:3.5/5
👍🏻再訪指數:3.5/5
-
📍For Single
地址:西環堅尼地城厚和街6-18號滿發大廈地下D號舖
⏰營業時間:09:00–18:00 (Mon & Sun);
09:00–22:00 (Tue–Sat)
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$165 (下午茶)