超哥印尼餐廳

營業中

休息中

我屋企人係馬來華僑，所以由細到大都浸淫喺東南亞的美食之中。 今次家人介紹呢間位於深水埗的小店，主打係手打麵。我心諗，東南亞都有手打麵架咩，令我更加好奇更加想試。咁最後我點左佢哋招牌的手打乾撈麵啦，個麵有好多唔同嘅材料，叉燒，雲吞，芽菜，炸豆干及炸豬皮等。個麵好有口感！個汁酸酸地好開胃，店員介紹我落個自家製蒜蓉辣椒醬，我平時都唔食的做今次一試，落左個辣椒醬將個麵提升去另一個層次！除此之外，我特別鍾意佢個炸豬皮同豆干，好脆！ 然後我又試下家人叫嘅巴東牛肉，好好好入味。