新麻蒲 BBQ (波斯富街) (已結業)

今次去試左想食好耐的新麻蒲bbq，地點非常方便，係銅鑼灣地鐵站C出口對面就係。餐廳座位寬敞舒適，一入去就見到韓燒的抽油煙管😚😚我地兩個人都好肚餓就叫左個牛肉套餐！牛肉套餐有包括特級霜降牛肉、秘制牛肋骨、LA牛肋骨，仲有個韓式拼盤同部隊鍋🥘一點完野食，就會先放個燒肉盤，會整個泡菜蛋卷🤤燒到蛋漿蛋金黃脆口，超級吸引🥴除左個蛋卷之外，仲有其他小菜可以食著等！燒肉拼盤份量都適合二人用，我地好快就燒左牛肋骨，用左秘制醬汁的牛肋骨，有甜甜酸酸的味道，好開胃口，佢每塊都好大塊🙆🏻‍♀️好快食曬就去燒特級霜降牛肉，牛肉都非常快熟，用生菜包著，再點上辣椒醬，口感爽脆清甜👍🏻👍🏻除左燒牛肉之外，仲有蝦同蔬菜🥬部隊火鍋的材料也非常豐富，份量非常多，賣相非常吸引，就算食曬燒肉都食得曬成個部隊鍋🤤🥘食燒肉邊可以冇飲品，今次冇叫到燒酒，飲左d健康嘅果醋😍叫左青金桔果醋，當食得太多野個陣飲啖，就非常清新😚之後可以繼續食🤣