船皇 (厚福街) (已結業)

今次嚟到尖沙咀食正宗泰式船麵，同朋兩個人叫左船皇湯麵（$58）同船皇撈麵（$58），湯麵依家仲做緊優惠，加一蚊就可以將牛肉升級為和牛！船皇湯麵配料有：牛肉片、牛腩、牛肉丸、雞翼、雞絲、豬肉丸、豬肉、豬潤。配料相當豐富，而麵底就叫咗河粉，呢度嘅河粉相當特別，粗度係正常的五倍，唔容易浸到淋哂。湯底非常好飲，味道非常濃郁，有少少藥材味，感覺到係真材實料炮製而成，非常推薦。船皇撈麵配料同船皇湯麵一樣，撈麵麵底就選擇了金邊粉，撈麵汁係以牛油、蒜蓉等製成，牛油同蒜蓉味都好香！枱旁邊有調味品，有魚露、辣椒粉、同自製辣汁，估計係以青辣椒、蒜蓉、醋等製成，味道酸酸辣辣非常開胃，無論加入湯麵或撈麵都好好食！沙嗲串燒（雞$14、豬$14、牛$16）味道非常濃郁，而且都有好香嘅燒烤味，好食！額外叫多咗個豬皮（$12），不過其實湯麵同撈麵都會附送一塊，唔需要特登叫，因為食得多會滯🤣。以尖沙咀地段來講，餐廳收費屬於平價，而且仲要免加一，不過以份量來講，女仔食會剛好，男士們有可能就要加麵底先會飽。