靖 (已結業)

啱啱去完日本旅行，仲係好想食日本野，所以帶咗男朋友黎食呢間出名煮正宗日本菜既餐廳我地叫咗兩份壽司九貫，我地食完好推介大家黎到既話要食呢款set lunch!! 今次主要想講下九件壽司之中我覺得最好味既五件第一件係金目鯛壽司，上面配上紅心蘿蔔。呢件壽司比我嘅感覺係清新第二件係炙燒銀鱈魚壽司，配上魚子醬同白松露。松露味好重，但係你又會感覺到嫩滑嘅銀雪魚肉質第三件係虱目魚壽司。佢有好香嘅魚油味第四件，亦係我覺得最好味既，係有半板海膽既軍艦可以一口咁食曬有半板海膽既壽司，係人生既一大幸福呀海膽既鮮甜程度同之前喺東京漁市場食過既一模一樣，好厲害最後一件係入口即溶既右口魚邊。第一次食右口魚，平時食開左口魚，估唔到右口魚係入口即溶！甜品有柚子味既雪糕，裏面有一粒粒嘅柚子肉，清甜嘅味道