十二味 (筲箕灣東大街) (已結業)

😎筲箕灣 十二味😎想食川菜，好多人都推薦呢一間十二味，話性價比高，價錢唔算太貴，嘢食大大份，而且味道都幾正宗，所以就嚟試一試😍。👍🏻酸菜魚with粉條超級大份，呢一次有五個人一齊食，都好夠食。酸菜魚嘅魚肉質鮮嫩😍。叫咗小辣，唔會太辣。除咗魚同酸菜，仲有萵筍、粉條，超級夾，又好食。👍🏻口水雞正常發揮，幾好幾好。👍🏻青檸杏仁炸蝦仁好特別嘅配搭，第一次食，好清新！👍🏻酸辣土豆絲勁大碟，而且味道都好正宗，係爭咁少少花椒。