更多
2019-05-28
564 瀏覽
近排睇左幾套bollywood既戲, 成日見到佢地食薄餅呀咖哩呀, 睇到個人都好想食印度菜, 你問我我只係知重慶大廈有, 但係同朋友兩個女仔又唔係好想行入重慶大廈, 咁就上網搵下搵下見到依間係星加坡, 泰國, 上海, 北京都有分店, 一定穩陣啦! 就約埋朋友放工一齊去食啦。一出就會望到門口大大個燈箱招牌一入門口就有印度侍應帶位, 今晚早左d食飯, 去到只係6點幾所以未係好多人。第一感覺係唔錯! 乾淨企理又光猛, 而且空間感好大, 坐低之後先發現全部員工都係印度人, 而且可以隔住玻璃遠望到印度廚師係入面整薄餅餐廳播埋印度歌, 好似置身小印度咁呀!Main Menu選擇好多, 中英對照而且有埋圖片, 果然夠國際化呀。牆上面仲有手寫既Today Special點菜後侍應就放低碟同餐具, 好得意碟上面鋪左塊葉。印度烤雞 $75哩個烤雞一上枱, 香料味直撲我個鼻呀😂初頭驚佢炸得乾, 點知咬落去入面雞肉仲好juicy, 一d都唔會乾, 建議要擠埋青檸汁落去, 因為夾埋佢既香料味酸酸辣辣會更加好味!好入味, 而且中間唔乾另外叫左依個set $110, 有齊薄餅, 飯, 一碗主菜咖哩, 另外仲有10
一出就會望到門口
大大個燈箱招牌
一入門口就有印度侍應帶位, 今晚早左d食飯, 去到只係6點幾所以未係好多人。第一感覺係唔錯! 乾淨企理又光猛, 而且空間感好大, 坐低之後先發現全部員工都係印度人, 而且可以隔住玻璃遠望到印度廚師係入面整薄餅餐廳播埋印度歌, 好似置身小印度咁呀!
Main Menu選擇好多, 中英對照而且有埋圖片, 果然夠國際化呀。
牆上面仲有手寫既Today Special
點菜後侍應就放低碟同餐具, 好得意碟上面鋪左塊葉。
印度烤雞 $75
哩個烤雞一上枱, 香料味直撲我個鼻呀😂初頭驚佢炸得乾, 點知咬落去入面雞肉仲好juicy, 一d都唔會乾, 建議要擠埋青檸汁落去, 因為夾埋佢既香料味酸酸辣辣會更加好味!
好入味, 而且中間唔乾
另外叫左依個set $110, 有齊薄餅, 飯, 一碗主菜咖哩, 另外仲有10款唔同味道既咖哩同配料, 上枱個下淨係賣相都拎左唔少分又可以比你試哂唔同口味, 正呀!哩個餐最出色既係佢既薄餅, 個人最中意點咖哩或者白色個個類似sour cream既醬, 另外佢個主菜咖哩雞係最好味! 好香好濃, 撈下撈下撈哂成碗咖哩汁
芒果奶昔 $35
同場見到好多人都飲, 佢質地杰身得黎芒果同奶味好重, 但又唔會好甜, 清新!
初初到達既時候見到成間鋪包括客人都係印度人, 仲以為自己好另類去左人地地頭食飯😂不過可能只係時間尚早, 食食下越來越多人入座, 係有香港人黎食既~ 見到有人食個類似竹筒飯既, 侍應係枱邊幫你敲d飯上碟, 好似好正咁, 不過太飽啦留番下次試
最尾想讚一讚依間鋪頭抽氣通風做得幾好, 間鋪唔會充斥住一陣咖哩味, 因為相信大家都試過有d餐廳通風做得唔好, 食完個身同個頭髮都會沾染左陣味。初頭都有d擔心因為印度香料味重, 不過依個情況無出現, 果然係國際連鎖店, 水準有番咁上下呀
張貼
