影片
更多
2019-07-20
25 瀏覽
「別天神」伊家越來越出名，成日都好想試下佢d拉麵。今日同朋友喺朗豪坊行完街，就黎左位於旺角e2出口附近既別天神醫肚😆一入到去好surprise!裝修十足十日本既地道拉麵店！仲有部點餐機！我都係第一次喺香港見到！我地叫左「別天神套餐」同「蝦味僧套餐」。比單點拉麵貴$30，但就多一隻溏心蛋，小龍蝦蟹子沙律同埋餃子🥟，所以我覺得比單點划算！好快個沙律就上左！熱辣辣天氣食真係好爽，因為又凍又開胃！用料都幾足，真係有龍蝦肉食到。之後主角拉麵到左！我食蝦味噌豚骨拉麵，朋友果碗係豚骨湯麵。湯底好夠味，但又唔係死鹹味精味，飲得出真係有用心熬製湯底。同埋佢唔似某d店，個湯好多肥膏，所以覺得都幾健康。👍👍麵質口感都唔會太淋，又幾掛湯，我最怕食太淋既拉麵！個溏心蛋睇色水都知正啦，煮得剛剛好👍兩塊豚肉都偏瘦，唔會太多肥既部分，但都唔會韌，水準唔錯呀。最後餃子都上埋枱，煎到有少少脆，幾惹味😍Ps 店內有提供凍茶凍水，d凍茶都幾有茶香，建議可以試下😎
一入到去好surprise!裝修十足十日本既地道拉麵店！仲有部點餐機！我都係第一次喺香港見到！
我地叫左「別天神套餐」同「蝦味僧套餐」。比單點拉麵貴$30，但就多一隻溏心蛋，小龍蝦蟹子沙律同埋餃子🥟，所以我覺得比單點划算！
好快個沙律就上左！熱辣辣天氣食真係好爽，因為又凍又開胃！用料都幾足，真係有龍蝦肉食到。
之後主角拉麵到左！我食蝦味噌豚骨拉麵，朋友果碗係豚骨湯麵。
湯底好夠味，但又唔係死鹹味精味，飲得出真係有用心熬製湯底。同埋佢唔似某d店，個湯好多肥膏，所以覺得都幾健康。👍👍麵質口感都唔會太淋，又幾掛湯，我最怕食太淋既拉麵！個溏心蛋睇色水都知正啦，煮得剛剛好👍兩塊豚肉都偏瘦，唔會太多肥既部分，但都唔會韌，水準唔錯呀。
最後餃子都上埋枱，煎到有少少脆，幾惹味😍
Ps 店內有提供凍茶凍水，d凍茶都幾有茶香，建議可以試下😎
張貼
