影片
更多
2017-08-15
507 瀏覽
由於係星期六早家人想早食早走，有老人家就搵個中心位食上海野~ 訂檯6:30食到8點，我地係完全冇問題我地叫左肴肉、炒四季豆、薰魚、小籠包、炒年糕、雲吞雞，食物都OK，侍應雖新但都算態度良好。但最後竟然.係加甜品時出左事...7：40到既高力豆沙係凍仲有d冰，我就唔該個普通待應幫我整番熱；15分鐘之後另一個待應丟低張單請我比錢，但個時個收回了既高力豆沙係未番黎，我就同佢講我個高力豆沙未番黎，佢就係我旁邊叫左佢另一個同事問碟野去左邊，但張單係繼續丟左係檯面。8：03一碟新既高力豆沙到左，係熱既，而當我同屋企人放緊粒熱野入口個時，佢個manager行埋黎話已經8點，我答佢呢碟野啱啱黎架喎，而呢位經理經理哥哥係以澳牛大叔既態度回『個客已經到左』我地用多4分鐘食完，我直接帶埋張單出去檯面，位經理哥哥先聲奪人地問我地咩事，而係我地解釋發生咩事既時候...佢又不停係度講野我再重新解釋成件事，我明白我呢張檯食到8點，7：40送到個碟野唔係凍既，我食完就走架啦。你8點叫我還檯我到係啱啱到，但你就話你下一檯客到左，身旁既家人亦都耐心地解釋：可能係你同事溝通有問題，所以唔知要換過碟新或者取消個item，此
我地叫左肴肉、炒四季豆、薰魚、小籠包、炒年糕、雲吞雞，食物都OK，侍應雖新但都算態度良好。但最後竟然.係加甜品時出左事...
7：40到既高力豆沙係凍仲有d冰，我就唔該個普通待應幫我整番熱；15分鐘之後另一個待應丟低張單請我比錢，但個時個收回了既高力豆沙係未番黎，我就同佢講我個高力豆沙未番黎，佢就係我旁邊叫左佢另一個同事問碟野去左邊，但張單係繼續丟左係檯面。
8：03一碟新既高力豆沙到左，係熱既，而當我同屋企人放緊粒熱野入口個時，佢個manager行埋黎話已經8點，我答佢呢碟野啱啱黎架喎，而呢位經理經理哥哥係以澳牛大叔既態度回『個客已經到左』
我地用多4分鐘食完，我直接帶埋張單出去檯面，位經理哥哥先聲奪人地問我地咩事，而係我地解釋發生咩事既時候...佢又不停係度講野
我再重新解釋成件事，我明白我呢張檯食到8點，7：40送到個碟野唔係凍既，我食完就走架啦。你8點叫我還檯我到係啱啱到，但你就話你下一檯客到左，身旁既家人亦都耐心地解釋：可能係你同事溝通有問題，所以唔知要換過碟新或者取消個item，此時經理哥哥反問我地當時點解唔叫經理？
作為一個食客，我相信呢間店既所有員工都努力咁工作，係香港出街食左咁多年野都真係唔知原來唔熱就要搵經理，而唔係相信佢地既團隊係可以幫忙處理。成晚最驚既竟然係經理哥哥竟然係話『咪你而家食左未呀?未，就而家取消，我而家唔得閒』未答完我地既情況下走開左
我地係有食左碟熱既高力豆沙，我係會比錢~不過，唔會再有下一次
張貼
