人生有限杯.串燒店

營業中

休息中

約了好姊妹食飯傾下計，去咗呢間串燒店，6pm一開我哋坐低冇耐之後好快已經坐滿晒人。串燒價錢由$10-$48，$10-$20區的每款要2串起，有多款肉類、海鮮、蔬菜、主食等好多選擇，仲有唔少店家推介都好值得試。串燒即叫即燒，上菜速度快，食物上枱仲熱辣辣，我哋叫咗好多款食物，全部都好好味，調味唔會太重手恰到好處，有幾款特別鍾意值得推介。✨必點推介：✨🔶麻糬豚肉卷燒到香脆的豚肉卷包住煙靭麻糬，個燒汁好正。🔶豚肉茘枝卷豚肉片裡面包住荔枝肉，食落好清新，出奇地夾。🔸免治雞肉棒生蛋汁令雞肉更嫩滑，軟骨咬落爽脆更有口感。🔶泰式燒墨魚鬚墨魚好爽口彈牙，個泰式辣醬好惹味。🔶九肚魚(椒鹽/紫菜/泰式辣醬)外層酥脆，裡面好軟綿，個醬汁幾夾。🔶焦糖菠蘿鵝肝多士鵝肝入口即化，多士香脆，焦糖菠蘿甜甜地中和了油膩感👍🏻🔶蒜蓉菜脯燒茄子🍆食串燒每次都一定點燒茄子，燒得好香好惹味。🔶港式蜜糖多士夾雪糕呢個好邪惡但又真係好好食，燒到好脆的蜜糖多士夾住舊雪糕，冰火交融，食完呢個甜品令成餐好滿足。