潮樓 (已結業)

上機之前約左一個係機場做野既朋友食飯聚一聚，朋友話一齊去飲個早茶，因為機場員工出示職員證既話，所有正價食品會有8折，佢仲搵埋位叫埋野食等我，好開心!我地總共叫左一個飯同3個點心茗茶 - 每人$8，我地揀左個香片一齊嘆鳳爪排骨飯 - $22.8鳳爪排骨好入味，d飯吸晒佢地個汁，好香!潮煎蘿蔔糕 (中點) - $29蘿蔔糕煎到金黃色，上面仲有粒粒蝦乾，好惹味!蠔皇鮮竹卷 (大點) - $32鮮竹卷好飽滿好足料，味道唔錯!汕頭蝦餃皇 (特點) - $35餃子皮好薄，非常晶瑩剔透，可以睇到大大隻蝦係入面，而且蝦肉爽口彈牙!好食!!