唐記包點 (機場一號客運大樓)

營業中

休息中

好耐冇嚟機場， 行到接機大堂盡頭見到個大屏幕幾吸睛， 設有座位和小枱，感覺幾舒服。 原來旁邊有小食店，其中一間就係唐記包點。立即睇下有乜嘢食 基本上同其他分店差唔多 但就有個“小食拼盤”幾吸引， 包括腸粉、蛋魚、燒賣、魚蛋粉果等等， 仲有齊豉油甜醬麻醬辣醬，＄33機場算合理。立即買返個試下，味道不錯醬料充足 ，份量畀我想像中多， 真係可以食得飽， 旁邊座椅舒適， 冇諗過喺香港機場都可以食到呢啲香港小食 ，感覺幾特別 ，下次到機場大家可以試下。我就自己買多支黑芝麻豆漿， 喜歡佢不太甜，滿足。