野玩田店 (已搬遷) 新店位置

朋友生日，嚟咗依間木系清新餐廳同佢食生日飯，感覺好舒服。叫咗嘢食就即刻有餐包，估唔到呢個係我人生中食過最好食嘅免費餐包，有三隻唔同嘅味，外脆內軟，而且暖暖地！⭐️帶子海膽汁意大利飯四粒大隻帶子，煎到半熟，厚肉，冇雪藏味。海膽汁濃郁，包住每粒意大利飯，感覺好幸福！⭐️海鮮餡餅餅皮幾薄，所以每人食兩舊都唔會太滯，不過焗得有啲燶，火候拿捏得好啲就會更加完美，海鮮餡料幾多，又有cheese，真係無得輸！另外有三個唔同嘅醬，牛油果醬、chip tomato、sour cream，三個醬都好match⭐️牛仔肉配有機大啡菇闊條手造意大利麵牛仔肉嫩滑，幾香牛味，但係份量有啲小，如果多啲就好，大啡菇切到一片片，香味十足，juicy，手造意大利麵比起一般意大利麵陣間又咬口。飲品方面都有好多選擇⭐️Greenry 入面有青瓜、梨、蘋果，用冷壓嘅技術就可以保存到生果入邊嘅纖維同營養，感覺好健康。⭐️天然碟豆花蘋果梳打杯身好高，女仔飲起上嚟都有啲辛苦，見到碟豆花變色，好啱打卡！