BIG MAMA (已結業)

最近我去咗尖沙咀全新開嘅韓國街，入面有間由韓國人主理嘅餐廳，名叫BIG MaMa，聽到呢個名就已經覺得好有韓國feel。一入到餐廳，裝潢簡約又時尚，牆上仲有韓國文化嘅元素，令人即刻想起首爾街頭。食左：海鮮辣豆腐湯、鐵板牛仔骨、紫菜包飯同埋前菜辣炒鯷魚。海鮮辣豆腐湯湯底香濃，味道正！豆腐滑溜，仲有多款海鮮，食落去非常滿足，辣味適中，唔會太過火，啱晒我呢啲唔太能食辣嘅人。鐵板牛仔骨牛肉煎得香噴噴，上菜果陣仲熱辣辣滋滋聲～肉質夾雜着肥肉一齊，口感好滑，加上餐廳特製嘅醬汁，味道更加升華～整體唔錯～紫菜包飯包得唔錯，紫菜鮮香，內裡包住新鮮嘅材料，咬落去滿滿嘅滋味，實在係一個飽肚既選擇。辣炒鯷魚作為前菜，份量唔大，鯷魚炒得岩岩好，不過味道唔算好辣，適合唔喜歡太重辣味嘅人。