小林札幌拉麵

營業中

休息中

估唔到呢間拉麵咁有驚喜，入去前都係諗住食碗拉麵🍜 見到有二人餐，價錢又好抵！兩碗麵/飯，再選三個小食$258！我地揀左一個招牌牛油拉麵；一個螃蟹拉麵🦀️。小食揀左餃子🥟、鯖魚、雞軟骨及燒雞翼。牛油拉麵真係好香但係你又唔會覺得好「漏」，面嘅份量有好多，仲有叉燒。螃蟹拉麵，蟹柳幾好食，有四條。湯底味道都剛剛好，如果鍾意蒜蓉味可以另外加蒜蓉或者七味粉調味。麵質係偏硬都唔錯。餃子個皮好薄，而且煎得香脆！入邊充滿蒜蓉味，我鍾意食蒜蓉，所以覺得好好味。鯖魚亦都夠大條，有檸檬汁，魚肉唔腥，煎得幾香。燒雞翼同燒雞軟骨都好食，雞翼鹽燒風味；雞軟骨有咬口。