Cocoon (已結業)

觀塘多嘢食就係人都知今次諗住試吓駱駝漆以外嘅選擇喺OpenRice見到呢間都好多好評就決定夜晚嚟食吓啦😆佢哋啲餐都送味噌湯同沙律個沙律好清新 喺咁熱嘅夏天食個沙律真係好爽仲要係我鍾意嘅胡麻醬🥰🥢日式味噌卡邦尼意粉一放上枱最吸引到我嘅係佢個溫泉蛋佢真係超溫泉蛋呀 一拮落去就流晒心然後佢比啲煙肉都好大方 意粉又煙韌加埋少少味噌 又真係同平時嘅卡邦尼唔同感覺🥢日式咖喱吉列豬扒便當呢個便當勁有儀式感😂個吉列豬扒一拮落去係會有好脆嘅聲音😂份量都唔少 食完又捧住個肚走🥢汁燒菜心苗 燒翠玉瓜串個汁燒菜心苗好surprise因為佢個汁好濃好有味 然後燒到個啲菜心葉好脆 我勁鍾意❤️本身會驚個翠玉瓜燒完之後好乾但係佢出到嚟完全唔會一咬落去仲係好Juicy好嫩睇嚟下次可以再試吓佢啲串燒