平昌 (已結業)

一段時間冇嚟囉樂富，原來開咗間韓式燒肉放題😜任食120分鐘，今次就揀左食中間價錢嘅世子御膳($318/位)，可以點世子御膳MENU同大君御膳MENU嘅野食。呢度環境寬敞，同一般韓燒店好唔同，呢度嘅抽風都做得好好，無乜油煙味。飲品就喺出面自助區拎，都有好多選擇，最基本可樂汽水或者韓式飲品嗰啲都有，最重要有我最鍾意嘅蘆薈果汁😍調味醬料分別有燒汁、微辣麵豉醬、麻油醬，可以根據自己口味選擇都得，我自己就鍾意燒汁多啲😛燒嘢食點可以冇牛肉類，仲有好多選擇，T骨牛扒、牛前胸腹肉… 當中最鍾意係肉眼！可以話係必食推介！大大塊、肉嫩兼且牛味濃郁，剪細件後用生菜夾住，又唔會太漏，配微辣麵豉醬相當惹味🤤除咗普通肉類，佢都有唔少嘅料理選擇：炸忌廉蟹肉薯餅、原味韓式炸雞，外層炸粉唔算厚，香口滋味😋講到食韓國嘢，點可以少得牛骨湯😋燒嘢食燒耐左，就會想飲番啲湯冇咁熱氣，估唔到呢啲湯都好驚喜，極度足料，除咗牛骨之外，亦都有好多白蘿蔔同埋金菇，食咗咁多燒肉，食返啲菜啱啱好😋特別一讚嘅係燒到中段時間，職員會主動幫你更換鐵板🥰-📍平昌 (樂富)樂富聯合道198號樂富廣場A區3樓3104號舖