拉麵來 (已結業)

今晚黎到大坑區搵食，喺呢個寧靜嘅小社區內，有一間人氣日式拉麵店，聽講鄭伊健、黃秋生、DJ小儀及TVB小生林峯都曾經係「拉麵來」嘅座上客。店內擺放左好多懷舊特色嘅玩具、卡通公仔，擺設同海報等，令人猶如置身於70年代嘅日本。每一個座位下面都設有一個掛鉤比客人掛手袋，仲有衣架可以掛起外套，服務好貼心！先來一客日式煎餃子，餃子皮薄餡靚。再來一客炭燒雞翼伴薯仔沙律。雞翼燒得唔夠火候而且味道偏咸，如果雞皮脆啲就perfect喇。主角火炙芝士波士頓龍蝦拉麵加流心玉子。原隻燒龍蝦肉質鮮嫩，啖啖都充滿香濃嘅芝士味。湯底亦充滿鮮甜濃郁嘅龍蝦味。雞白湯拉麵🍜叉燒肥瘦適中，雞湯10分鮮味，另外有一粒半透明狀嘅骨膠原可另外加入湯內。人客可根據個人喜好酌量加入。呢度嘅拉麵可以按照個人口味選擇面嘅軟硬度、湯嘅濃度、香油嘅份量同埋蔥嘅配料多與少等。