影片
更多
2021-05-25
25 瀏覽
講起台灣野，肉燥飯，杏鮑菇等等，都係我去台灣一定要食嘅野，雖然暫時飛唔過去台灣，不過唔緊要，喺灣仔就有間性價比極高嘅台灣野小店 - 士林.便丼達人招牌古早滷肉肉燥便丼 $49 ：大大盒嘅肉燥飯，極多肉燥，足料到爆，睇到個顏色以為會好咸，錯啦，食落唔會過咸，肉燥+飯+肥豬肉一齊食，口感好豐富，鐘意食肉燥飯嘅朋友，真喺唔好走雞👍🏻香酥雞扒肉燥乾拌烏冬 $60 ：如果唔想食飯嘅朋友，仲有 手工烏冬 / 米線選擇。呢碗雞扒肉燥乾拌烏冬，大大塊炸得超級脆嘅雞扒，香得嚟食落仲啖啖嫩滑雞肉，烏冬又整得軟硬適中，連埋肉燥食又喺超正😋Master蒜脆杏鮑菇 $33 ：台灣小食，杏鮑菇絕對喺我必食之一，呢度嘅杏鮑菇，嚿嚿都勁大粒，唔講以為係蕃薯天婦羅，食落仲會少少juicy🔥獨家Shake Shake薯條 配 派對芝士五重奏粉 $27 :作為foodie，食野一定喺相機行先，影下影下都唔知用咗幾多時間，呢度嘅薯條好堅揪，我影完相再食，竟然仲係熱辣辣又夠脆，加埋個芝士粉，掂啊🙌🏻 (個薯條仲有其他粉可以選擇)樽仔奶茶 & 樽仔鴛鴦，套餐價$10 ：個樽仔簡單得嚟又好討人鐘意，味道正常發揮，口感都保持到香滑(
招牌古早滷肉肉燥便丼 $49 ：
大大盒嘅肉燥飯，極多肉燥，足料到爆，睇到個顏色以為會好咸，錯啦，食落唔會過咸，肉燥+飯+肥豬肉一齊食，口感好豐富，鐘意食肉燥飯嘅朋友，真喺唔好走雞👍🏻
香酥雞扒肉燥乾拌烏冬 $60 ：
如果唔想食飯嘅朋友，仲有 手工烏冬 / 米線選擇。呢碗雞扒肉燥乾拌烏冬，大大塊炸得超級脆嘅雞扒，香得嚟食落仲啖啖嫩滑雞肉，烏冬又整得軟硬適中，連埋肉燥食又喺超正😋
Master蒜脆杏鮑菇 $33 ：
台灣小食，杏鮑菇絕對喺我必食之一，呢度嘅杏鮑菇，嚿嚿都勁大粒，唔講以為係蕃薯天婦羅，食落仲會少少juicy🔥
獨家Shake Shake薯條 配 派對芝士五重奏粉 $27 :
作為foodie，食野一定喺相機行先，影下影下都唔知用咗幾多時間，呢度嘅薯條好堅揪，我影完相再食，竟然仲係熱辣辣又夠脆，加埋個芝士粉，掂啊🙌🏻 (個薯條仲有其他粉可以選擇)
樽仔奶茶 & 樽仔鴛鴦，套餐價$10 ：
個樽仔簡單得嚟又好討人鐘意，味道正常發揮，口感都保持到香滑(P.S 食緊先見到有樽仔冷泡咖啡🥲，下次再試)
極高性價比，除咗價錢較平，又好食之外，我同朋友食完呢餐午餐，就一直飽到夜晚😂😂
張貼