橋底辣蟹 (雅閣大廈) (已結業)

事關試過有特別日子加三服務費，我隨口問下”加一呀可”，個阿姐用好串既語氣講”日日都加一架喇唔係唔加下嘛”。都算，去完個廁所，踫正有個阿姐捧餐，我好心比佢行先，佢叫我行，咁我咪行囉，然後佢係我背後講左句，”人唔行你又唔行”，真係火都黎。隻蟹又唔係真係特別出色，小菜衰過大排檔，唔值呢個價。睇咁多食評都鬧服務態度差，其實我都唔求有服務，唔洗你服務，無服務不得止直頭係態度惡劣。我叫左680蟹，一個南乳齋煲，一個黃金豆腐。豆腐同齋煲真係街邊貨，隻蟹，680黎講我覺得可以好好多，d避風塘，勁多味精，眼見都見到d味精一粒粒，食完喉干頸渴到一個點，我真係唔會再黎。