麥當勞 (百誠大廈)

營業中

休息中

麥當勞就是有一種魔力，明明啲野食唔特別好食，但一段時間冇食你又會掛住佢。不過自從薯條越來越少，而且好多黎食都係腍嘅之後，我都好少黎食我嘅常餐－六件麥樂雞餐＋豬柳蛋漢堡＋朱古力新地。前排見麥當勞又出返柯華田系列，之前冇食過，就搵日食得冇咁飽過黎食個飯後甜品。柯華田系列例牌要有甜品站的分店先有，喺甜品站買完當然亦可以坐返入鋪內食。柯華田脆脆新地($9)作為朱古力迷，食新地我例牌叫朱古力新地多朱古力醬，柯華田新地係少有我覺得好食過朱古力新地，因為本身成個新地都係柯華田味，而且上面有啲脆脆，其實都唔係啲，以麥當勞標準黎計係大量，啲脆脆應該係柯華田粉，食落有少少痴牙，但口感反而更豐富。柯華田脆脆麥旋風($16)麥旋風食落其實同新地差唔多，只係多左幾粒柯華田糖，雖然都好食，但如果多左幾粒柯華田糖就要貴$5，我覺得食新地食抵啲。