愛爾蘭瘋薯 (已結業)

恨左好耐,,終於拉左男朋友一齊去試啦~~~去到好多人企係度等緊,,我地只好迫埋去睇下有咩食..睇緊既時候可能個服務員見我睇得好辛苦啦..就俾左張meun紙我拎住睇..天氣咁熱仲對住晒d炸爐又唔燥仲咁好服務,,唔錯~~~之後我地就要左個蜜糖芥末味既著條($25)同炸芝士棒($20)...都要等,,雖然多人等,,但唔會亂..因為單尾有no..大家唔使爭~~先講個炸芝士棒..外層既炸粉好脆口,,好香蒜味,,不過就好硬..中間d芝士有得拉咖wor~~~不過芝士味就唔夠濃//普通...到個薯條..望一望點解好似好少醬咁既,,食到尾無醬咪死..所以開頭都點好少醬食,,食下食下,,e唔係wor,,原來個底都有好多醬咖wor..佢地醬絕對夠你食晒一杯薯條..所以下次大家唔使好似我咁慳住食~~講番d薯條先..新鮮炸起當然熱辣辣..唔會炸到乾晒..中間濕濕地,,真係feel到係薯..外皮又夠脆..個汁又甜甜酸酸咁好開胃..好好食..瘋薯,,果然薯先係主角,,不過就貴左d..好食都唔會成日食啦..應該久不久口痕先會買黎食~~~