更多
2020-03-10
373 瀏覽
終於有機會嚟試下呢個入選全球50大，仲成為香港區冠軍既最佳漢堡，究竟係咪真係咁好味呢？今次去左灣仔分店，望落似間酒吧。老實講店鋪比較細，位置唔多，但見到陸續有客人都寧願等位，又或者買外賣，可見其受歡迎程度！講返食物先，漢堡方面有牛，雞，魚甚 至係素菜蘑菇漢堡選擇，仲可以自己add-on唔同配料。食漢堡梗係要食牛肉啦，因為驚太飽所以淨係要左single beef burger。就咁睇都好似冇咩特別吖，點知一食就真係嘩左出黎。首牧個包好香牛油味，烘過嘅地方夠脆，麵包中間就夠好鬆軟。塊牛肉漢堡扒勁juicy，牛肉味好濃，簡單加埋洋蔥，番茄，生菜同半溶芝士已經好好味，後悔冇叫double!另外亦都要左魚柳漢堡，一見到塊魚柳有少少嚇親，長過個包之餘仲好厚肉，重點係夠脆，仲有魚汁，而且唔會成口炸粉，真係啖啖肉，唔食牛既朋友絕對值得考慮。單食漢堡包又點夠呢，我哋就叫咗佢嘅好朋友薯條。今次揀咗芝士薯條同辣粉薯條，薯條係幼身既，炸得夠脆唔油。兩款都好食，但個人比較鍾意辣粉，其實唔係好辣，係惹味之餘食落仲冇咁漏。跟餐仲有嘢飲，食住漢堡，薯條，嘆住杯啤酒，同朋友傾吓計真係一大享受。
今次去左灣仔分店，望落似間酒吧。老實講店鋪比較細，位置唔多，但見到陸續有客人都寧願等位，又或者買外賣，可見其受歡迎程度！
講返食物先，漢堡方面有牛，雞，魚甚 至係素菜蘑菇漢堡選擇，仲可以自己add-on唔同配料。
食漢堡梗係要食牛肉啦，因為驚太飽所以淨係要左single beef burger。就咁睇都好似冇咩特別吖，點知一食就真係嘩左出黎。
首牧個包好香牛油味，烘過嘅地方夠脆，麵包中間就夠好鬆軟。塊牛肉漢堡扒勁juicy，牛肉味好濃，簡單加埋洋蔥，番茄，生菜同半溶芝士已經好好味，後悔冇叫double!
另外亦都要左魚柳漢堡，一見到塊魚柳有少少嚇親，長過個包之餘仲好厚肉，重點係夠脆，仲有魚汁，而且唔會成口炸粉，真係啖啖肉，唔食牛既朋友絕對值得考慮。
單食漢堡包又點夠呢，我哋就叫咗佢嘅好朋友薯條。
今次揀咗芝士薯條同辣粉薯條，薯條係幼身既，炸得夠脆唔油。兩款都好食，但個人比較鍾意辣粉，其實唔係好辣，係惹味之餘食落仲冇咁漏。
跟餐仲有嘢飲，食住漢堡，薯條，嘆住杯啤酒，同朋友傾吓計真係一大享受。
張貼
