第一郡 (已搬遷) 新店位置

lunch time又黎深水埗食呢間越南野想試好耐 成日等車都見到店面唔算好大 座位好少 黎到都等左陣先入得一入到黎已經聞到好香叫左佢最出名既蟹膏蟹肉蕃茄湯檬粉朋友叫左扎肉湯河蟹肉湯檬賣相好得😍同相入面既一樣湯底偏咸 不過我本身都幾食得咸 覺得好正成碗野都幾有份量 好多料 兩件蟹餅口感好特別食到有蟹肉 濃味 除此之外仲有豆卜 扎肉片同埋一大舊蕃茄 全部都好入味檬粉煮得岩岩好 索埋個湯真係好好味啊雖然好飽但都幾乎食哂本身想叫埋佢個芒果糯米卷 不過實在太飽 下次再食過！不過鋪頭冷氣真係唔多掂😅食到身水身汗 怕熱既朋友要有心理準備😂