更多
2017-07-11
619 瀏覽
周末朋友又要開OT，唯有入黎觀塘同佢食。呢間餐廳喺工廈入面，入去時俾保安叔叔截住要登記身份證，我地明顯係「善男信女」黎，都要登記，佢真係好盡責吓。 Hamsta Crown Coffee喺工廈嘅頂樓 - 15樓，搭𨋢只可以去到14樓，出𨋢後行一層樓梯就到，樓梯口就有顯眼嘅餐廳廣告牌所以並唔難搵。一上到黎，就見到大大個門口。牆身係青綠色嘅毛氈，門牌係個色彩繽紛嘅木牌，大門都係木製，好似童話中的小木屋。從工廈灰白水泥牆感受到嘅冷漠感頓變為充滿咗回家一樣嘅溫暖感。仲掛住左啲餐牌添~下午茶餐:周末午餐:入門口左邊係水吧，擺滿咗包裝色彩繽紛嘅各式西式茶葉、咖啡、茶杯。右邊就有一個小小購物區，裡面售賣嘅主要係美顏化妝產品例如面膜、眼霜、洗面乳等等。店舖雖小但產品種類都幾多，等上菜或餐後逛就啱晒。整間餐廳嘅佈置帶出嘅感覺係非常柔和同簡潔：燈光係柔和嘅暖色燈；牆身係米白色，掛住啲有寓意嘅畫；地板同餐桌同係木製；座椅係暖色嘅西式梳化椅，仲有一張餐桌係喺榻榻米上，啲座椅係可供跪坐或盤坐，連窗簾都係日式捲簾，洗手間都好乾淨企理。整體佈置得非常細緻有心思，令食客更感受到家嘅溫暖和諧感覺。連榻榻米都有法式洋蔥湯
Hamsta Crown Coffee喺工廈嘅頂樓 - 15樓，搭𨋢只可以去到14樓，出𨋢後行一層樓梯就到，樓梯口就有顯眼嘅餐廳廣告牌所以並唔難搵。一上到黎，就見到大大個門口。牆身係青綠色嘅毛氈，門牌係個色彩繽紛嘅木牌，大門都係木製，好似童話中的小木屋。從工廈灰白水泥牆感受到嘅冷漠感頓變為充滿咗回家一樣嘅溫暖感。
仲掛住左啲餐牌添~
下午茶餐:
周末午餐:
入門口左邊係水吧，擺滿咗包裝色彩繽紛嘅各式西式茶葉、咖啡、茶杯。
右邊就有一個小小購物區，裡面售賣嘅主要係美顏化妝產品例如面膜、眼霜、洗面乳等等。店舖雖小但產品種類都幾多，等上菜或餐後逛就啱晒。
整間餐廳嘅佈置帶出嘅感覺係非常柔和同簡潔：燈光係柔和嘅暖色燈；牆身係米白色，掛住啲有寓意嘅畫；地板同餐桌同係木製；座椅係暖色嘅西式梳化椅，仲有一張餐桌係喺榻榻米上，啲座椅係可供跪坐或盤坐，連窗簾都係日式捲簾，洗手間都好乾淨企理。整體佈置得非常細緻有心思，令食客更感受到家嘅溫暖和諧感覺。
連榻榻米都有
法式洋蔥湯 - 厚厚嘅一層芝士冚住洋蔥湯，湯唔濃但裡面嘅洋蔥、芝士都好多，飲起嚟每啖都食到吸收咗湯嘅面包，好滿足。
美國水牛城雞翼，大大隻，好脆口，辣度適中，惜酸味太濃。
日式廣島炸蠔 - 炸得熱辣辣又香脆，蠔肉鮮甜，記得點一點沙律醬，酸酸地幾開胃，鍾意甜甜地就點吓甜醬油，更加日式風味。
和風烤鯖魚 - 都幾大塊魚，作為頭盤兩個人share都夠食，略嫌多骨，不過烤得好香，肉質嫩滑又juicy。
蟹籽軟殼蟹拌蒜香意粉 - 足料，好多大件軟殼蟹，蟹籽又佈滿晒成碟意粉，絕不欺場。蒜香意粉好有香蒜味但唔會過鹹，驚喜。
蟹籽軟殼蟹拌蒜香意粉
5 瀏覽
2 讚好
0 留言
一大條迷迭香，塊豬扒吸收晒迷迭香嘅香氣。
豬扒肉質稍嫌不夠嫩滑不過肉汁都算豐富。
另上嘅柚子醋堅係真材實料，可以見到好多柚子蓉。食落酸酸甜甜同豬肉好匹配。
飲品選擇有好多選擇，總共五大頁，花多眼亂添
最後揀左柚子沙冰，用甜酒酒杯嘅柚子沙冰呈奶白色，感覺高貴。柚子味道清新，沙冰冰凍透心涼，最適合炎炎夏日。
蘋果金寶Apple Crumble係全晚畫龍點睛之作，呢個係超正。好靚嘅花花連蓋焗烤碗，裝住嘅蘋果金寶只係微甜，唔會好似坊間啲蘋果金寶咁甜死你，好驚喜。蘋果唔酸，果甜中滲出啖啖玉桂香氣，Crumble 面既鬆軟又香脆，好香牛油味。仲配上幼滑香甜嘅吉士醬，甜而不膩，真係食到停唔到口。
Apple Crumble
8 瀏覽
3 讚好
0 留言
張貼
