東海薈 (北京道1號) (已結業)

人愈大，有家庭、小朋友。慶生飯講求嘅還是環境、服務同食物質素。細細個總覺得酒樓圍菜就預左唔好味咖啦！東海薈令我顛覆左酒樓慶生總是娘嘅觀念。呢晚黎左位於尖咀北京道一號嘅分店，飽覽住維港海景下，同三月壽星食生日飯。鴻運金豬全體 乳豬size同一般差不多，食落皮脆肉嫰滑，脂肪比例唔會過多。酒樓大多數用兩個月大嘅乳豬，呢度據講用左只有40日大嘅乳豬仔，相信呢個就係肉質特別嫩滑秘訣。翡翠花枝蝦仁蜜糖豆飽滿、花枝片黏口新鮮、蝦仁爽口彈牙無雪味。百花炸釀蟹鉗 蟹鉗已經愈黎愈俾海鮮卷取代，買少見少。咬落除左彈牙蝦膠外，裏面竟然有蟹肉乾貝野菌扒時蔬食菜時間，多種唔同嘅菇類同白菜仔，芡汁比較稀，清爽d!紅燒竹笙蟹肉翅 圍翅/湯羮算係必備標準菜餚。翅佔湯羮比例好多。驚喜是鮮味嘅蟹肉，豐富左整體嘅口感。清蒸杉虎班海魚魚肉鮮甜彈牙，睇下個面珠位幾吸引！蠔皇原隻鮑魚伴花菇 鮑魚size 同花菇size 睇齊，都算大隻！脆皮炸子雞細細個婆婆教落生日梗要食炸子雞啦！外層脆皮炸得均勻夠熱,雞肉幾juicy!長壽蝦籽炆伊麵 炆伊麵雖然無肉，蝦籽咸咸香香，算惹味！東海壽桃包主角終於出場，今日就以壽桃包代替蛋糕幫主角慶生啦！