東海堂

營業中

休息中

大概一個星期前係東海堂訂左個蛋糕慶祝生日，主角係小朋友，所以揀左呢架汽車造型蛋糕。同遊之樂 一磅 $269同遊之樂係以鮮芒果及草莓裝飾，內為海綿蛋糕與芒果慕絲。造型方面就幾出色，汽車造型都唔錯，原本以爲用朱古力造，點知原來大部分都係慕絲。味道方面，海綿蛋糕底上面有忌廉夾芒果肉，外面有好多厚厚芒果慕絲，慕絲唔太甜，不過芒果味道唔濃。味道中等水準，不過唔會膩。外面有少少jelly裝飾，味道可以。朱古力質素就頗差。鮮果裝飾有新鮮奇異果，酸酸地既士多啤梨，藍莓，同芒果片。加10蚊要左塊朱古力牌。總括而言，呢個蛋糕造型唔錯，雖然收貨時候已經有瑕疵，味道就中等。尖沙咀得一間分店，係港鐵閘口入面，唔方便。