Caffe Milani (新都城中心二期) (已結業)

星期日係寶琳睇完戲，經過新都城中庭傳嚟好香嘅咖啡味，就咁吸引到我哋坐低飲返杯。餐廳環境光明簡潔，夠闊落，枱與枱距離充足，傾計大聲啲都唔怕騷擾到人。每張枱都有無線充電位，相當細心。用餐時間係星期日下午茶時間，人唔算多，唔使搵就有位。朱古力牛角包²⁴牛角包酥皮香脆，內面軟熟，牛油味好香。而表面朱古力香濃，以連鎖店的質素算不錯！牛奶咖啡⁴⁵咖啡醇香，奶泡綿滑。如果有得選擇Nutty或Fruity嘅咖啡豆會更好。