GREEN

Hotel Icon既Market我諗全香港都知係好好食既buffet架啦,咁今日就去佢下層既Green度食tea啦,Green既環境就好似佢個名咁一樣咁綠,三層高既落地大玻璃,隔離就係三層高既真植物牆,就咁坐係度已經感受到個空氣清新左,隻眼都舒服左。而佢呢排既下午茶主題係朱古力,真係岩晒大部分既女仔呀！鬆餅有兩隻味既,有原味同埋朱古力味,朱古力味鬆餅真係好好食,入面有朱古力粒粒,所以食落每啖都有香濃朱古力味,同忌廉真係好夾。鹹點有五款,五款都好食,比較好既係龍蝦酥盒,酥盒真係好香脆,入面既餡都好好食,好鮮味,而甜點就有五款,每一款都好好食,入面四款係朱古力,鍾意食朱古力既人都會好鍾詫每一款,只有紅桑子泡芙唔係朱古力味,但都好好食,好清新,正好可以平衡另外四款既朱古力味。另外仲可以任食雪糕,不過因為我地凈係食個tea set都好飽就無食雪糕啦。