霸嗎拉麵 (屯門市廣場1期)

新開時見好多人幫襯，隔左幾多個月終於冇乜人黎試下，點知一試就中伏。

首先係佢個餃子，不單只啲油多到癲左咁，仲要煎到燶晒，味道平平無奇。

餃子

$35

然後係個辣豬骨拉麵，個湯唔夠熱又淡，叉燒雖然肥但無冇乜味，不過最誇張既地方係啲麵超級超級少，仲細過普通一碗雲吞麵。

辣豬骨拉麵

$93

最後不得不提係依度既員工服務態度，莫講話日本餐廳，連一般茶餐廳都好過佢多多聲，唔叫都唔俾水你飲。

個人食過無數間拉麵，但差到佢咁就真係第一次見。當然依個只係屯門分店既表現，不排除其他分店會俾依間好，但霸嗎依個品牌真係俾間分店搞彎晒，食過依間都唔敢再試其他分店了。