浮生 (已結業)

💦我地星期六下午兩點左右開始排隊，前面都有十多個人排緊，排左一個鐘到。店外等候係無瓦遮頭同比較窄既街道，只有排到最前，先可以入店內2-3座位既木櫈等候。👫店面較細，除左吧枱，多數兩人一枱形式，4-5個人就要等最埋邊個張，見到未齊人都可以入座。😷適逢疫期，唔知道店員係抽樣入門口前量體溫，定係忘記左，見到幾個店員輪流招呼入尼既食客，部分有量，部分無量。⭐️⭐️重點尼啦點餐要去收銀處落單，即時俾錢，餐牌亦堆放係個度，要睇就要自己拎啦。我地想叫冷拌烏冬，但落單時被告知仲未推出，而主食餐亦賣哂，只可以點輕食餐同單點麵類，冰櫃蛋糕亦為數不多。以上情況要落單個下先知，餐牌亦無任何標示。😟其實都唔介意佢賣哂或者未推出，始終我地假日下午先尼，都理解既。但可以係店面張貼有咩賣哂，或者店員都可以提下。滿懷期待想支持疫境新開小店，排完先知得翻好少選擇，除非臨排前問定哂啦，真係好失望架。見到有枱食客都反映緊類近問題。🍤最後叫左兩個冬陰功蝦肉拌烏冬，好住家味道，烏冬份量適中，但餸就比較少，兩個烏冬既汁都有色差，一個濃一個淡，有點不值$78。