南洋 (已結業)

黎開呢頭，見呢間食評唔錯又好想食喇沙，就算天氣熱都想黎會一會佢，可惜一切不如預期……碗喇沙味道合格（但又未算好高分，略嫌份量不多，只是碗大而已），海南雞就比較失色，肉質唔夠滑嫩，即使係近脾位的肉質都唔滑，但論最敗筆都遠遠不及杯咸檸水……完全冇咸檸味，只得嗰2小粒咸檸檬（註: 2小粒加埋先=半粒咸檸檬），死篤爛篤都出唔到味，完完全全只係飲緊杯清水唔明白為何有如此多好評？？題外話，用膳中途隔離枱位女士點了肉骨茶及檸茶，上菜後好快就聽到佢話骨肉茶有酸味（疑似變越了）、檸茶有漂白水味（職員聽到都好愕然），唔知係位女士味覺有問題還是食物本身……？雖然佢食了兩啖就起身走人，但我見佢有比錢的，不是想食霸王餐