熊拉麵 (蘇杭街)

營業中

休息中

終於有機會試個期間限定蟹肉沾麵，比想象中更加好味！個沾麵湯底非常濃郁，綠綠地色咁，應該好多蟹膏喺入面，只係飲一啖試已經係好香嘅蟹味。成碗麵好多，湯底睇落好似好少咁，所以一路食會一路就住，因為擔心個湯唔夠點啲拉麵，點知原來有淨湯底，所以本身食應該唔駛就住就住。個麵底有好豐富嘅蟹肉同蟹籽，而且好新鮮同好甜，好好味。我叫咗暖麵，再加埋個熱湯真係好正。同埋follow佢哋ig可以獲得大阪燒風味餃子一份，有3件，真係好抵，食完都真係夠晒飽。