添好運點心專門店 (已搬遷) 新店位置

雜誌介紹呢間食店既師傅係由龍景軒黎既，聽到都好有衝動黎，再見到食評讚到咁好食，當然要黎試下啦。鳳爪排骨飯：排骨真係好多骨，豉油唔夠香，唔特別糯米雞：味道幾好，唔洗咁大隻，留番啲位試其他點心臘味蘿蔔糕：一粒粒蘿蔔，有啲散，有啲苦(因為蘿蔔唔係好靚)酥皮焗叉燒包：好熱，小小甜，好好味雞札：夾左舊雞脾菇又幾好味喎呢到既點心都係十幾蚊碟，話比你聽有龍景軒質素你都唔好信，但味道係ok既，賣相都唔錯，不過太迫啦，迫到好似同個陌生人食飯咁，如果闊落啲都會再黎既，所以短期內都無下次啦。http://hk.myblog.yahoo.com/chu-lay