187
42
23
等級4
179
4
2020-07-08 445 瀏覽
補食父親節飯,一個月前已經訂檯,只有2個時段,分別係5:30 同7:30 選擇,我揀咗早輪5:30。當日一行7人,5:15左右到達,要先登記,準時5:30會安排已登記客人入座。安排坐喺窗邊位置,太陽仲未落山,光猛開揚。訂檯時順便預留一隻北京填鴨,選擇三食。第一食,填鴨都唔洗等好耐就上菜,目測填鴨皮似漏咗氣,唔太夠脹卜卜。師傅練熟咁手起刀落片鴨,第一碟只有鴨皮,服務員建議沾糖食,都唔算薄嘅鴨皮食落好乾、比較實、冇鴨油香,加咗糖食嘅話,可能因為冇咩鴨油嘅關係,真係同預期落差甚大。第二碟係只有鴨肉片,鴨肉嫩滑,不過毫無肉汁,而且鴨味唔濃,又再失望。第三碟係鴨肉連皮,其實綜合咗以上鴨皮同鴨肉嘅食感,配上厚薄適中嘅薄餅、青瓜、蔥白、蒜泥同甜味恰到好處嘅甜麵醬,靠咗啲醬同配料,鴨肉味其實已經唔濃,感覺配菜先係主角。第二食嘅生菜鴨崧喺啱啱切好晒第一食就上菜,咁即係唔係同一隻鴨同埋可能係一堆炒定。可能炒定分配上碟關係,鴨崧份量少,用上啲細size嘅大豆芽炒,調味一般,唯一可以讚吓啲生菜新鮮甜脆。三食係鴨湯,唔係一煲上,又係應該煲定一大煲,一碗碗送上,望落湯色濃白,內有津白同豆腐,飲落淡如水,一啲味道都
更多
補食父親節飯,一個月前已經訂檯,只有2個時段,分別係5:30 同7:30 選擇,我揀咗早輪5:30。

當日一行7人,5:15左右到達,要先登記,準時5:30會安排已登記客人入座。安排坐喺窗邊位置,太陽仲未落山,光猛開揚。

訂檯時順便預留一隻北京填鴨,選擇三食。第一食,填鴨都唔洗等好耐就上菜,目測填鴨皮似漏咗氣,唔太夠脹卜卜。師傅練熟咁手起刀落片鴨,第一碟只有鴨皮,服務員建議沾糖食,都唔算薄嘅鴨皮食落好乾、比較實、冇鴨油香,加咗糖食嘅話,可能因為冇咩鴨油嘅關係,真係同預期落差甚大。第二碟係只有鴨肉片,鴨肉嫩滑,不過毫無肉汁,而且鴨味唔濃,又再失望。第三碟係鴨肉連皮,其實綜合咗以上鴨皮同鴨肉嘅食感,配上厚薄適中嘅薄餅、青瓜、蔥白、蒜泥同甜味恰到好處嘅甜麵醬,靠咗啲醬同配料,鴨肉味其實已經唔濃,感覺配菜先係主角。
第一食片皮鴨(齋皮)
18 瀏覽
0 讚好
0 留言
第一食片皮鴨(齋肉)
7 瀏覽
0 讚好
0 留言
第一食片皮(鴨肉連皮)
8 瀏覽
0 讚好
0 留言

第二食嘅生菜鴨崧喺啱啱切好晒第一食就上菜,咁即係唔係同一隻鴨同埋可能係一堆炒定。可能炒定分配上碟關係,鴨崧份量少,用上啲細size嘅大豆芽炒,調味一般,唯一可以讚吓啲生菜新鮮甜脆。
第二食鴨崧
5 瀏覽
0 讚好
0 留言

三食係鴨湯,唔係一煲上,又係應該煲定一大煲,一碗碗送上,望落湯色濃白,內有津白同豆腐,飲落淡如水,一啲味道都冇,真係唔會想再飲第二啖。同檯各位亦有同感,所以同咗一位服務員提出,佢竟然攞樽鹽俾我哋,喺咁嘅情況下我表示想搵搵經理反映,經理行埋嚟嘅時間同時都揸住個有啲湯嘅碗表示佢都試咗味,而且真係比較淡,已經通知廚房再調味後換過俾我哋。再調味嘅鴨湯都係淡,為免嘥咗個胃嘅容量,成檯人飲咗一啖已再調味嘅湯就停手。我同服務員示意都係咁淡,麻煩收咗啲湯碗,佢亦同時話同我取消個三食加表示歉意。
第三食鴨湯
5 瀏覽
0 讚好
0 留言

個片皮鴨已經足夠令我哋個個都好失望,其他餸菜如下: -

1.     馬拉盞帶子蒸秋葵 – 帶子粒偏咸
馬拉盞帶子蒸秋葵
7 瀏覽
1 讚好
0 留言

2.     乾蔥鮮竹芥菜 – 好健康,而且啲芥菜仲好甜,腐竹索咗啲湯汁,加上乾蔥粒嘅香同口感,配搭清新好味。
乾蔥鮮竹芥菜
6 瀏覽
0 讚好
0 留言

3.     鹹蛋黃魚皮蝦球 – 呢味係我個人最欣賞,香濃鹹蛋黃份量足,厚厚一屠包住爽口大蝦,雖然鹹蛋黃係比較厚,但係一啲都唔膩,而且仲可以食到蝦味。魚皮夾鹹蛋黃係完美的一對,香濃脆,最緊要係唔會有油膉味。
鹹蛋黃魚皮蝦球
6 瀏覽
0 讚好
0 留言

4.     彩椒鳳梨咕嚕肉 – 呢味有水準,咕嚕肉食落脆口,咕嚕汁味平衡,肉肥瘦適中。
彩椒鳳梨咕嚕肉
6 瀏覽
0 讚好
0 留言


飲品就order咗: -

1.     PINOT NOIR紅酒一支
2.     Dry Martini
3.     唔記得咩名同咩味但係又好甜嘅 Cocktail

甜品當然係叫咗佢哋獨有味道嘅雪糕同雪葩: -

1.     五娘液朱古力雪糕 – 酒味絕不欺場,估唔到同香濃嘅朱古力非常之夾,配上一片十分香脆嘅芝麻薄脆,真係推介。
五娘液朱古力雪糕
6 瀏覽
0 讚好
0 留言


2.     花雕話梅雪葩 – 一入口話梅味好出,以為冇咩花雕味,一路食啲花雕味開始出嚟,清香嘅酒味加上清清甜甜話梅味,座上88歲老人家都讚不絕口。
花雕話梅雪葩
6 瀏覽
0 讚好
0 留言


總括食物方面隻填鴨三食真係完全敗筆,更別談係酒店出品。其他餸菜類都不過不失,而且款式有啲都比較新穎健康。甜品方面我食咗嘅雪糕同雪葩都係冇得挑剔。
11 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-06-27
用餐途徑
堂食
人均消費
$400 (晚餐)
慶祝紀念
父親節
推介美食
第二食鴨崧
鹹蛋黃魚皮蝦球
彩椒鳳梨咕嚕肉
五娘液朱古力雪糕
花雕話梅雪葩