兩三碗車仔麵 (已搬遷) 新店位置

近排幾鍾意食車仔麵於是就上網睇下有咩推介見youtube介紹呢一間見得閒就決定去試下🤭中學年代喺附近讀書真係好多好食嘅小店經過咁多年好多嘢都唔同哂啦阿肥，榮記，文記都仲喺度😬我哋2碗都叫咗油麵，麵嘅份量好夠餸就要咗豬軟骨，豬頸肉同魷魚鬚豬頸肉話係必食，不過我覺得真係好普通豬軟骨反而有驚喜，雖然一大舊無切開不過炆得夠淋，用筷子🥢夾開都易嘅另一碗就要咗豬手，肥腸，雞翼同麻辣雞腎豬手得2細舊又無乜肉，伏雞翼同肥腸無特別麻辣雞腎另上嘅，味道ok，不過凍嘅撈返落碗麵度食好啲個人覺得碗湯偏鹹而且加咗香辣汁都唔香唔辣個湯望落已經唔太吸引餸又無乜特別，無下次啦😅