LAB10 (已結業)

今日我同K先生放假喺旺角行街，行到肚仔餓，我哋決定去食韓國燒烤，去咗朗豪坊食韓燒。我哋一坐低 ，店員服務很好，而且餐廳環境十分舒適。我同K先生首先就叫咗個秘製護心肉同埋鹽燒雞扒 。秘製護心肉冇乜肥肉 ，雞扒肉質嫩滑另外我哋再叫咗個牛油粟米，呢個係我嘅至愛， 我當然食到好開心啦 。我哋都叫咗兩個熱食，分別係韓式海鮮蔥餅同埋韓式牛肉炒粉絲 。個牛肉炒粉絲很好食，份量足。而個海鮮蔥餅配料亦都好豐富,炸得好鬆脆。飲品方面，我哋叫咗兩杯疏打。分別係菠蘿同埋柚子梳打 。食完韓燒飲返杯梳打，真係特別解渴 。