行過朗屏橋底先知元朗都有間木玥巷。
落地玻璃嘅設計感覺好開陽，
行入去仲好夠冷氣，
今個Lunch就一於係到解決☺️
紅 燒 牛 肉 麵 ($72)
厚切牛𦟌炆到軟腍入味唔黐牙，
仲有少少筋位增加口感！
湯底牛味濃但唔油膩，
微甘之餘亦帶有微微嘅藥膳香，
台灣麵底彈牙，
落埋另上嘅酸菜整體風味更加升華🤩
香 葉 蕃 茄 肉 碎 炒 飯 ($82)
珍珠飯炒得乾身唔油膩，
仲有大量嘅香葉同肉碎，
撈埋表面嘅太陽蛋汁，
我覺得比起泰國嘅金不換肉碎飯更出色！
蜂 蜜 冰 烤 地 瓜 ($48)
地瓜雪到冰心真係消暑透心涼❄
四邊烤到半溶口感入口即化，
表面仲淋上清甜嘅蜂蜜，
呢個甜品好有驚喜！
台 灣 手 搖 焦 糖 咖 啡 ($28)
冰凍嘅手搖咖啡body平均，
飲落順滑奶味偏濃，
甜度亦剛剛好👍🏻
木 玥 招 牌 水 果 茶 ($32)
大大杯嘅水果茶一上枱都嚇一嚇😂
入面有唔同嘅柑橘類水果，
超refreshing 😎
