譽滿坊 (已結業)

我喺中秋節正日午飯時間同兩個外國朋友嚟飲茶。自己之前從來未嚟過，係嗰兩個朋友其中一個介紹的。其實我哋嚟之前叫個朋友將原先約好的下午一時改為十二時半，但我朋友話佢哋轉唔到時間。我聽完之後已經對呢間餐館的印象打了折扣，入到去之後更加肯定我對呢間嘢的壞印象是對的。我哋一時十五分去到，竟然仲要等一陣先有位。我驟眼看上去，有好多枱人都是鬼佬鬼婆，心諗一定有英文點心紙，點知坐低後發覺完全欠奉，搞到我好鬼狼狽地係咁幫兩個朋友翻譯。最氣頂就係有個四眼男waiter落單時同我講：你係唔係本地人嚟﹖嗰日唔夠瞓，仲要打醒十二分精神翻譯，講廣東話自然冇咁順，都唔駛咁多口啩。咁叻就整張英文點心紙嚟。啲點心味道好一般，尤其是碟鍋貼，炸的，不倫不類﹗最後埋單找數三個人470大元，平均每人150元左右。真係要同我朋友講，試完一次已經好夠了。