百匯軒

要陪屋企人去藍店，冇辦法。睇過啲食評都話服務態度差唔相信。點知係真嘅。10分鐘先至有人過嚟落單，落完之後3分鐘唔夠，我哋發覺原來石榴一字骨$72，有孖寶優惠。加$76多條海班。去問服務員。佢話入咗電腦唔開得。但係我話加餸都唔得？跟住仲要俾佢鬧話唔得。最後要搵部長搞。搞咗成10分鐘先得。一般酒樓叫菜嘅時候落單都會建議叫個套餐，今次完全冇提過真係唔好。
餸菜都幾快到，味道都幾好。不過真係好細碟。4個人（有兩個老人家）5碟餸都唔係好夠飽
好彩都有幾個紅豆沙甜品送，但係味道真係唔好。
最後臨走前服務員建議我哋比多$10要埋隻鴨殼。點知冇貨，但係照落單。一時睇漏眼，俾佢呃咗$10

餸菜份量真係好細

呢個都幾好食

俾人呃咗$10

落單睇清楚，之後冇得改