更多
2020-09-21
3724 瀏覽
想去食JOMO嘅戚風蛋糕，見到將軍澳分店嘅空間較大而且環境空曠開陽就嚟佐。一入門口係淺色水泥圓柱牆，有一邊係全玻璃窗大量嘅自然光可以入到室內。天氣好的話氣氛會更好更enjoyable❣️以白色做主調佈滿成各個牆身，counter同埋比較入位置配上淺木色嘅傢俬。開陽配上淺色調嘅室內設計，感覺乾淨舒服。.食物方面選擇都頗多，而且都有唔少素食可供選擇🙌🏻.Whiskey-cured Cold Smoked Salmon Sourdough $118呢個都好靚，而且個食物溫度我幾鍾意❣️煙三文魚(應該係用佐魚腩?!) 個份量都幾多。帶微微威士忌酒香食落酒味唔係太明顯，但無一般煙三文魚咁咸。Sourdough就比較一般，個邊係韌唔係脆中間都較身帶咬口嘅。酸忌廉芝士令整體味道更豐富，啲菜都幾新鮮而且凍凍哋好refreshing🌱鍾意食酸啲可以加埋個檸檬🍋 (我唔記得落喊出嚟😭).Homemade Pasta with Tomato Sauce, Mushroom番茄醬手打意粉, 香菌蘑菇 • $128新鮮番茄做嘅汁比較酸，個汁嘅質地都幾濃厚。手打意粉係中等粗幼嘅扁意粉，幾有咬口但無咩蛋/麵粉香但個質感
想去食JOMO嘅戚風蛋糕，見到將軍澳分店嘅空間較大而且環境空曠開陽就嚟佐。
一入門口係淺色水泥圓柱牆，有一邊係全玻璃窗大量嘅自然光可以入到室內。天氣好的話氣氛會更好更enjoyable❣️
以白色做主調佈滿成各個牆身，counter同埋比較入位置配上淺木色嘅傢俬。開陽配上淺色調嘅室內設計，感覺乾淨舒服。
.
食物方面選擇都頗多，而且都有唔少素食可供選擇🙌🏻
.
Whiskey-cured Cold Smoked Salmon Sourdough
$118
141 瀏覽
1 讚好
0 留言
Whiskey-cured Cold Smoked Salmon Sourdough $118
呢個都好靚，而且個食物溫度我幾鍾意❣️
煙三文魚(應該係用佐魚腩?!) 個份量都幾多。帶微微威士忌酒香食落酒味唔係太明顯，但無一般煙三文魚咁咸。Sourdough就比較一般，個邊係韌唔係脆中間都較身帶咬口嘅。酸忌廉芝士令整體味道更豐富，啲菜都幾新鮮而且凍凍哋好refreshing🌱
鍾意食酸啲可以加埋個檸檬🍋 (我唔記得落喊出嚟😭)
.
Homemade Pasta with Tomato Sauce, Mushroom
$128
121 瀏覽
0 讚好
0 留言
Homemade Pasta with Tomato Sauce, Mushroom
番茄醬手打意粉, 香菌蘑菇 • $128
新鮮番茄做嘅汁比較酸，個汁嘅質地都幾濃厚。手打意粉係中等粗幼嘅扁意粉，幾有咬口但無咩蛋/麵粉香但個質感okay！足料雜菌！
.
Homemade Pasta with Black Truffle Cream Sauce
$128
69 瀏覽
0 讚好
0 留言
Homemade Pasta with Black Truffle Cream Sauce
手打意粉配黑松露忌廉醬 • $128
呢個係入座前已經聞到好香黑松露味，個汁都係幾杰身creamy。食落個黑松露味啱啱好，啲菇都好多！
.
Chiffon Cake
戚風蛋糕, 伯爵茶 • $52
面層嘅鮮忌廉帶微甜，外表非常吸引係好多人食JOMO都會打卡嘅甜品📸
戚風蛋糕係非常鬆軟有彈性嘅質感！伯爵茶好清香，食落茶味夠濃帶伯爵茶獨特嘅風味。
.
Roll Cake, Match
抹茶卷蛋糕 • $48
出色在個抹茶creamy好濃好滑！
敗筆在個卷蛋糕完全無空氣感比較硬實嘅普通蛋糕質感。
.
Latte
鮮奶咖啡 • $40
偏中焙咖啡口味，咖啡無咩苦味奶比較多。
食物算係幾好幾有驚喜！但係餐廳服務方面就有極大改進嘅空間
.
由店員帶我哋入座到坐低佐一陣，都無人話我哋知餐牌要自己拎、點餐要去counter🤷🏿♀️我同2個fd個眼望我眼...餐牌呢？我相信係在座嘅人都有好似我哋咁係第一次去呱🧐counter點餐係我哋坐得近counter所以見到個order here嘅牌🤓
咁你無service charge我要自己出去counter落單拎餐具我係覺得無問題，但指示要清晰囉！
你唔做都要話比人知點做先得咖喎
餐廳職員人就夠多，無10個都有8個。
企係度standby但擋住條主道嘅、有同counter落緊單都插嘴傾計嘅(條line排佐6個人等落order🙂)、有行嚟行去嘅、有整緊咖啡嘅、有送緊餐嘅，，，我個重點唔係講職員有無做野，係咁多人影響佐個餐廳嘅運作🤦🏿♀️我睇到咁多野係因為我等我2個fd落單落佐20分鐘🤓佢哋當時排緊第2🙈
(我自己都做過餐廳待應/counter，係唔影響餐廳同食客嘅前提下輕鬆啲咁返工真係無咩所謂亦好正常)
.
就當我係西客以上呢兩點都唔係一般食客會覺得有問題嘅。但以正常邏輯嚟講以下呢個真係有問題
正當我朋友點餐嘅時候，有位職員唔小心將佢手上嘅咖啡倒瀉佐落我嗰位朋有件白衫度然後個職員下一秒係... 同counter落緊我朋友單嘅職員吹水講笑
errr...真心問嘅，句唔好意思/sorry去佐邊
事後係我朋友落完單返埋位嘅時候女職員有嚟講聲”唔好意思” 遞上紙巾
.
⚠️利申: 係上完主菜之後，倒瀉咖啡嗰位職員係有提議過送返個甜品比我哋作為賠償。但因為落單時已經點佐蛋糕，怕食唔晒唔想浪費所以婉拒佐。及後佢哋都送上佐一張咖啡印花卡以表歉意⚠️
.
其實我覺得意外無人想亦都無辦法預測到，但係職員方面會唔會可以係發生意外嘅情況下比返啲主動性去處理件事？其實一句”唔好意思/有無咩可以幫到手”就已經成件事唔同晒
張貼
