可惜成餐飯都感受不良好😑
上枱只有一個殼兼且係乾淨到一個點！極度懷疑重用又重用。
個雞鮑翅又係令人感覺不良好！原煲拎過嚟 過影相，然後拎返去廚房分！？分咗超過10分鐘，就拎一碟雞過嚟話係煲翅隻雞….一睇就知唔係同一隻🐓⋯⋯
然後再過幾分鐘續碗翅上枱，家人食完問應該仲有剩？侍應話無曬啦，係咁多！
我哋有疑問點解唔喺枱面分碗？連屍骸都見唔到。咁樣做生意欠老實囉！
結論係：無服務可言，收$10位 同花生$18再加一，又四捨五入 收錢，根本係營業手法好有問題。
經OpenRice 訂位優惠提供指定餐牌有8折，店員推介時 不時強調有折，但最後埋單得3樣係有折，其餘是收取正價。
有啲係語言藝術….
坐低就不停只顧sell貴餐，平則2千幾@4位用，再嚟就3千8@4位。
話有幾好食 幾抵食 食啲靚啲嘅乜乜乜。
落完單隔一陣又問食唔食燒鵝？
隔多一陣又問試唔試吓咕嚕肉？新菜式喎😒😒
點先，都嗌咗幾個貴價餸 都不停sell所謂瀨尿蝦要3百幾@隻，質素係好一般，同一價口喺其他地方會好好多。
雞煲翅味道係正常水準，但係有疑似偷龍轉鳳成份，並唔係枱面分碗，雞又唔係原煲隻雞….隻雞太咸以為食緊咸雞。
