我愛慢煮 (孖沙街) (已結業)

對於一個勁鍾意Hea嘅人，呢間餐廳真係好適合你。以前見到呢個名已經好想試吓，一入到去以為得三張枱，原來仲有樓上，樓上有好多打卡位，鍾意影相嘅朋友可以同老闆娘講座樓上😛不過樓上係自助形式，最好喺樓下比完錢先坐上樓上🙂餐廳真係名副其實嘅（我愛慢煮）🤩一坐低當然即刻望到佢招牌菜嘅西冷牛扒🙂唔需要同佢講幾多成熟，因為全部西冷牛扒都係佢哋用慢煮嘅方式set好咗五到六成，如果想熟啲嘅話記住同佢哋講。然後配菜我揀咗溫泉蛋同埋番薯薯條，番薯薯條好出色😋因為仲想試吓其他所以只係叫咗細份，屋企人叫咗豬仔骨同埋燒雞，試晒三樣嘢之後我個人最喜歡燒雞，啲肉完全係入晒味😋仲有一個沙嗲醬俾你做配料，西冷牛扒冇醬汁，但係可能用咗慢煮方式，唔會太硬唔會太林啱啱好，因為平時我食牛扒鍾意有醬汁。但係呢一個唔使醬汁都好好味👍🏻今日有少少喉嚨痛，所以試咗水果茶。入邊有兩粒好甜嘅龍眼，講真飲完之後喉嚨舒服左好多。多謝老闆娘嘅推薦😋