焱手工涮涮鍋 (已結業)

約左一班好友黎打邊爐，每位店員嘅態度都好好，好細心。今次無試佢地d套餐，全部散嗌。本身諗整係嗌一個鴛鴦鍋，店員介紹多一個放中間做酒煮蜆鍋，店員先把蜆同配料加入中間既鍋，之後叫我地準備相機，佢就點火，影完相就加湯底煮蜆同打邊爐。鍋底好味，食材新鮮，環境好乾淨闊落，坐得都ok舒服！我地仲試左手工啤酒，一共有四款。我地試左兩款，好易入口，好香。店員都有介紹，跟我地嘅口味，推介幾款俾我地試。如果飲開手工啤酒，值得一試！