維苑餐廳 (已結業)

同男朋友食飯牚“木台”腳，見到有不同款式，真係幾多選擇！環境：有人帶位入座，見到地方好大，裝潢都不俗，但見到個地氈都有ｄ舊喇服務：唔會吹你點菜，因為佢地都好忙下，叫佢地熄細ｄ個冷氣又肯，開番大又得！套餐包餐包＋餐湯（雜菜湯），包係暖暖地，都幾正既～點菜：１．西冷牛柳拼薯菜七成熟既西冷牛柳，男友再三叮囑不要太熟，廚房可能恐怕煮得熟得滯，所以就煮得有點過生，應該得５成熟，哈哈，算啦，好過熟得滯．薯菜，太快淋喇，菜又有西蘭花，椰菜，但黑椒汁就唔係好夠惹味，可能佢個鐵板不是非常熱吧，見到人地個板係炸炸聲，但係我地就自自聲就無．２．芝士粟米汁蝦餅炸雞翼焗飯真係即叫即焗，上桌時真係好熱，個碗就真係熱到辣手芝士味都幾多，係食到有芝士線拉到出黎個只，而粟米又唔會太多蝦餅炸得好香脆，雞翼都焗得好好味飯有成1大碗，女仔食唔晒咁滯，分左三分一比男友食跟餐有凍朱古力，都幾濃味，好味～越食越熱，叫佢開番大個冷氣同拎茄汁比我地，佢兩樣都做晒！快夾準！叫埋單，即刻比句多謝晒你先，幾有禮貌喎～全日唔洗加一，但服務非常好，所以比左七蚊tips～